لاتكحلين العين يثقل هدبها

هي ناعسة من طبعها مابها حيل
لا تكحلين العين يثقـل هدبهـــــا

خفي عليها ليتها تسهر الليـــل
طال السهر والنوم كنه غلبهــــا

لي من هدبها ذكريات ومراسيل
فى ضحكها فى مزحها فى عتبها

تبني من جروح المواعيد وتشيل
هي الجروح اللى تجي من سببهـا

لو ان غيبتها مثل غيبة سهيـــل
لا الجدي مرضيها ولا احد عجبهـا

تغضي وكن رموشها تجمع الخيـل
وتنظر وكن البرق يقرا نسبهـــا

لا سلهمت ما للسوالف تفاصيـل
والمشكله لا بينت لك غضبهــــا

لا ناظرتهم من زعل بالمظاليــــل
كل المجالس صمتها صار ادبهـــا

هي ناعسه من طبعها مابها حيـل
لا تكحلين العيـن يثقل هدبهــــا